Меню

Як у Калодзішчах вясну гукалі

У Каладзішчанскай школе дзяўчаты і хлопцы гукалі вясну – прасілі «цёпла лецечка прывесці». Са школьнай сцэны, упрыгожанай бярозкамі, гучалі запеўкі, заклічкі. Апранутыя ў народныя строі вучні гулялі ў ручай, танцавалі.

Жаданне правесці гуканне вясны ўзнікла у  настаўніцы беларускай мовы, кіраўніцы школьнага клуба «Спадчына» Вікторыі Струнеўскай:

– Мы стараемся далучаць дзяцей у тым ліку да нематэрыяльная спадчыны, а народныя звычаі, наша абраднасць – гэта найлепшая глеба для такой працы. Раней мы ўжо праводзілі калядкі, і вось ужо другі год гукаем вясну. Даведаліся, што раней было прынята, каб маці бласлаўлялі дачок на гуканне вясны іконай – такое цікавае спалучэнне звычаяў.

Дарэчы, ікона, якая захоўваецца ў музеі незвычайная. Ёй ужо не адно стагоддзе, але адметная яна перш за ўсе тым, што ўцалела пдчас пажару. Хата, у якой яна знаходзілася,згарэла, а абраз застаўся некранутым.

– Акрамя таго, мы вырашылі спалучыць гуканне вясны з абрадамі вербнай нядзелі. Адна з дзяўчынак хадзілі і дакраналася да дзяцей галінкамі вярбы са словамі: “Не я б’ю   вярба б’е за тыдзень Вялікдзень”, – расказала Вікторыя Мікалаеўна.

Работа ў накірунку захавання традыцыйнай культуры і мясцовай гісторыі вядзецца ў Каладзішчанскай сярэдняй школе ўжо некалькі дзесяцігоддзяў, а існуючы ў сценах установы адукацыі краязнаўчы музей, ужо ў лістападзе бягучага года адзначыць сваё 20-годдзе.

Яго заснавальніцай стала настаўніца гісторыі, выдатніца адукацыі Ніна Гаркавенка, якая далучала да супольная працы і настаўнікаў, і вучняў, і іх бацькоў, паклаўшы ў аснову прынцып «музей для дзяцей і рукамі дзяцей». У ім захоўваецца больш за 1000 экспанатаў. Справу Ніны Іліьінішны зараз працягвае яе паплечніца, колішні член клуба «Спадчына» і мама былых вучняў Вікторыя Струнеўская.

Тэкст: Ганна ГАЛКОЎСКАЯ

Фота: Ганна ГАЛКОЎСКАЯ, Вікторыя СТРУНЕЎСКАЯ

Лента новостей
Загрузить ещё
Информационное агентство «Минская правда»
ул. Б. Хмельницкого, д. 10А Минск Республика Беларусь 220013
Phone: +375 (44) 551-02-59 Phone: +375 (17) 311-16-59