Официально

Регион

Венік-“беданосец” згарэў на прадвесні

 Масленічны тыдзень у аграгарадку Юзуфова завяршыўся святочным гуляннем з удзелам вакальна-эстраднай студыі “Сітро” і тэатральнага аб’яднання “Гузік” мясцовага дома культуры, якія прадставілі разнастайныя музычныя нумары і жартоўныя тэатралізаваныя сцэнкі.  

Асабліва цікавымі і запамінальнымі  сталі масавыя гульні, атракцыёны і конкурсы: “Катанне на мятле”, “Распілоўка бервяна (на здымку), “ Да цешчы на бліны”, “Стужка з пацалункам” і інш. Цудоўны настрой падмацоўвалі і ражаныя — яны хадзілі з венікам, да якога госці свята прывязвалі стужачкі (скудзіцы), перадаючы тым самым усе свае хваробы і няшчасці веніку-“беданосцу”. Затым гэты венік спалілі на вогнішчы разам з чучалам Зімы. І дарослыя, і дзеці вадзілі карагоды вакол вогнішча. Здаўна лічыцца, што менавіта агонь валодае сакральнай сілай, якая знішчае ўсё чорнае, злое і дрэннае — і на душы адразу робіцца лягчэй. 

Галоўным каардынатарам свята выступіў Юзуфоўскі сельвыканкам. У падрыхтоўцы і правядзенні гулянняў таксама прынялі ўдзел калектывы КУП па аказанні паслуг “Юзуфова”, ДУА “Буцэвіцкі ВПК дзіцячы сад — сярэдняя школа”, СВК “Вішнёўка-2010”.  Асаблівую падзяку хочацца выказаць у адрас  фермерскай гаспадаркі  “Парфіяновіч” за матэрыяльную падтрымку свята праводзінаў Зімы. 
 
Аляксандр ЦЫПЛЯНКОЎ.
 

Оставить комментарий:

Для рекламы используйте доску объявлений!
Ваше имя:


wink smile tongue biggrin lol closedeyes glare huh sad angry cool unsure ohmy blink shok

        


Введите цифры на картинке:

Поделиться ссылкой вКонтакте
Поделиться ссылкой в Twitter