Регион

Сярод пахаваных – 63 невядомыя героі

«Вечная слава воінам, партызанам і мірным жыхарам, якія аддалі сваё жыццё за свабоду і незалежнасць нашай Радзімы. 1941 – 1945». Гэтыя радкі на абеліску брацкай магілы ў цэнтры Юзуфова відаць здалёк. Ім не даюць пацьмянець з 1953 года.
 
У брацкай магіле ў Юзуфова пахаваны савецкія воіны і партызаны – 74 чалавекі. Сярод іх – воіны 352-й стралковай дывізіі, якія загінулі ў 1944 годзе пры вызваленні раёна ад нямецка-фашысцкіх акупантаў. Паабапал абеліска – гранітай стэлы – месцяцца дзве надмагільныя пліты з прозвішчамі вядомых пахаваных, іх 11. Апошні спачын у юзуфоўскай зямлі знайшлі воіны з розных куточкаў Савецкага Саюза: Маскоўскай, Смаленскай, Белгародскай, Цюменскай, Вініцкай, Харкаўскай абласцей…
 
Там жа, у брацкай магіле, пахаваны мірныя жыхары спаленай вёскі Казекава. Карнікі спалілі сям’ю Лось, у якой было 9 чалавек, у тым ліку траіх дзяцей – дзяўчынку і двух хлопчыкаў 5 і 2 год. Сям’ю Юліі Бадзялік расстралялі ў гумне. Загінулі 4 чалавекі, сярод іх трое дзяцей: сямігадовая Ніна і пяцігадовая Маша, іх брат Паўлік, якому было 2 гады… Жудасная падзея адбылася ў лютым 1943 года. Усяго карнікі загубілі 14 мірных вяскоўцаў.
 
Мемарыял рамантаваўся ў 2004–2005 гадах. Яго абнеслі нізкай металічнай агароджай. Да стэлы з граніту вядзе дарожка з бетонных плітак. Адразу заўважаеш, што помнік-абеліск і тэрыторыя вакол яго даглядаюцца. Памяць пра тых, хто загінуў на полі бою, па сённяшні час жыве ў Юзуфове.
 
Святлана ВАШЧЫЛА

Оставить комментарий:

Для рекламы используйте доску объявлений!
Ваше имя:


wink smile tongue biggrin lol closedeyes glare huh sad angry cool unsure ohmy blink shok

        


Введите цифры на картинке:

Поделиться ссылкой вКонтакте
Поделиться ссылкой в Twitter